تعرفي ياحبيبتي يعني ايه أستجمار ( الاستجمار في البرد الشديد )

تعرفي ياحبيبتي يعني ايه أستجمار ( الاستجمار في البرد الشديد )

أزيكم ياقمرات
عملين ايه في البرد والتكتكه دي

من كام يوم جه في بالي وانا بتوضأ لصلاة الفجر
وانتم طبعا عارفين ان وقتها بيكون الجو تللللج
وبتكوني قايمة من الدفا والوضوء بيكون بميا دافيه

اما الاستنجاء فبيكون بميا ساقعة
قلت لنفسي ليه موش بستخدم رخص الله لينا ؟

قال رسول الله صلي الله عليه وسلم :
( إن الله تعالى يحب أن تؤتى رخصه ، كما يكره أن تؤتى معصيته ) رواه أحمد

سبحان الله ربنا سهل لينا حاجات كتير عشان يبقي ملناش حجة

والرخصة بقي هي الاستجمار بدل الاستنجاء في أيام البرد القاصي

الاول بس اقولكم يعني ايه استجمار للي موش عارفه



الاستجمار:
هو تطهيُر القُبُلِ أو الدُّبُرِ مِن البوْل أو الغائط بأحجار أو ما يقوم مقامها ،
ومما يقوم مقامها المناديل
ولكن يُشترط أن لا يقلَّ عن ثلاث مسحات لقول أم المؤمنين عائشة رضي الله تعالى عنها،
عن النبي صلى الله عليه وسلم قال:
"إذا ذهب أحدكم إلى الغائظ فليستطب بثلاثة أحجار"

و لحديث سلمان رضي الله تعالى عنه قال: نهانا -أي النبي صلى الله عليه وسلم-
أن نستنجي باليمين، وأن نستنجي بأقل من ثلاثة أحجار، وأن نستنجي برجيع أو عظم.

والرجيع: هو العذرة والروث.

فيجب ألاّ يكون الاستجمار بما نُهِيَ عن الاستجمار به كالرَّوث
والعظام وما له حُرمة كالطعام ونحوه


طيب يبقي الاستجمار بيكون بمنديل أو قطعه قماش نضيفة وناعمه
ويكون ثلاث مرات زي ماقالنا رسول الله صلي الله عليه وسلم

طيب في مسأله مهمة كتير مننا بتقع فيها
وهي ان ماينفعش اني استجمر مع وجود المياه

أقولك لا ياحبيبتي يجوز الاستجمار مع وجود الماء ولا شئ في صلاتك
وصلاتك صحيحة بإذن الله

بس فيه شرط ألا تتجاوز النجاسة المحل المعتاد
والاستجمار بيكون ثلاث مرات بالمنديل أو القماش أو فوطة نضيفة


تمام كده ياحلوين يبقي انتي ممكن بدل الاستنجاء بماء بارد
الاستجمار بمنديل نضيف او قطعه قماش نضيفه

بس خليكي عارفه ان الاستنجاء بيكون أفضل
ولكن برده الاستجمار هي رخصة للتيسير والتسهيل

اسأل الله لي ولكم ان يهدينا إلي مايحب ويرضي
اللهم آميين